|
Manifestazio honek esanahi berezia izan du beti BAKEAREN ALDEKO KOORDINAKUNDEARENtzat.
Bakea lortzeko NAHIAREN adierazpen publikoa da. Gainera, Gandhi eta bere
ekarpen unibertsala gogoratzen digu, alegia, edozein ideiaren defentsarako
bidea bakean egin behar dela.
Hemen bildu garenak era guztietako herritarrak gara. Gure ideia eta proeiktoak
desberdinak dira, eta areago, aurkakoak izan daitezke. Hala eta guztiz,
zerbaitek ELKARTZEN GAITU: ideia eta proiekto desberdin hoiek bide baketsu
eta demokratikoen bidez defendatzeko borondateak.
10 urte betetzen dira aurten BAKEAREN ALDEKO KOORDINAKUNDEA sortu zenetik.
Urtehurren hontan ITXAROPENA aldarrikatu behar dugu, guztiok batera.
Sorrera garaiko manifestazio urri haiek gogoratuta, pozez hartu daiteke
indarkeriaren aurka garatu den herritarren jarrera sendoa. Gainera, jarrera
hori baketsua, tolerantea eta gizalegezkoa izatea lortu dugu Euskal Herrian.
Ez dugu onartzen GURE HERRIAREN IZENEAN inork hiltzea, mehatsatzea edo
terrorea-beldurrikara ereitea.
Ikusezina adierazten duten zorigaiztoko jarduera hoeien aurrean, gure
gizartearen gehiengoak badaki zer EZ DUEN NAHI, errespetoa eta tolerantzia
direla bakea lortzeko ohinarri bakarrak.
Horrexegatik TOLERANTZIA da urte hontarako aukeratu dugun lema.
Hori bai, jarrera eraikigarrietan ohinarritutako TOLERANTZIA BIZI ETA
KRITIKO batek bakarrik bihurtu ditzake DESBERDINTASUNAK ABERASTASUN-ITURRI,
eta ez krispazio eta enfrentamendu antzu.
Ezin ahaztu urtehurren honek, baduela zorigaitzik, ez bait-dira desagertu
gure gizartetik ekintza biolentoak.
Ezinbestekoa zaigu iaz hildako hamazazpi pertsonak gogora ekartzea eta,
berriz ere, heuren senide eta lagunei gure elkartasuna heleraztea.
Bestalde, usterik txarrenak egiaztatzen diren egunotan, ezin ditugu salatu
gabe utzi, Estatu-terrorismoa deitzen diren gaizkiletza ekintzak.
Eta noski, askatasunaren izenean-gure artean dugun bandera urdin handi
honen bitartez, etsi gabe eskatzen dugu, berehala eta baldintzarik gabe
askatu ditzatela JOSE MARIA ALDAIA eta JOSE ANTONIO ORTEGA.
Indarkeriazko jarduera hauek egon arren, argi eta garbi adierazi nahi
dugu: BAKEA POSIBLEA dela, eta biolentzia gaindituko dela, ahal delako.
Bakea posiblea da, Euskal herritarren gehiengoak behar duelako eta halaxe
eskatzen duelako.
Beldurra sorreraziz Euskal Herriaren borondatea ezabatu nahi dutenei,
bide biolentoak alde batera uztea eskatzen badiegu lortu ahal izango da
bakea.
Bakea lor daiteke, GALek egindako krimenak argitzea eskatzen badugu: erakunde
juridiko, politiko eta poliziakoen erabateko lankidetza eskatuz hortarako,
justizia egin dadin.
Bakea lor daiteke, demokratikoki aukeratu ditugun legezko ordezkariei
eskatzen badiegu, heuren esku dauden baliabide guztiak jar ditzatela pertsona
guztien giza-eskubideak bermatzeko.
Bakea lor daiteke, biktimekiko solidaritatea izateko gai bagara, eta merezi
eta behar duten laguntza eskatzen badugu biktima guztientzako.
Bakea lor daiteke, POLITIKA BIOLENTZIAREN tranpatik askatzen badugu, eta
ideia guztien eztabaida zabalaren alde egiten badugu, mehatsuak eta armak
erabili gabe.
BAKEA ETA ADISKIDETZEA posible dira, ahal dugun guztia egiten badugu,
aldentzen gaituen inkomunikazio izugarria gainditzeko, beti tolerantziaz,
hitza erabiliz eta bestea errespetatuz.
Bakea, XXgarren mende amaieran, Euskal Herriko emakume eta gizonezkook
dugun betebeharra da. Inork ez du egingo hori gure ordez.
Gure esku- dago adiskidetzea eta etorkizun baketsua eraikitzea.
|
