1994
·
De Aranzazu a Maroño elkarrizketa prozesuaren laugarren topaketa:
Maroño, urtarrilak 16. Euskal Herriko Bakearen Aldeko Koordinakundeak
Para salir de la situación de violencia agiria aurkezten du,
bertan gatazka politikoa eta indarkeriazko gatazka bereizi eta Giza
Eskubideen defentsa egiten du. Topaketa horretan Maroñoko Akordioa
izenpetzen du gizarteko beste taldeekin batera.
· Otsailaren 5ean Paso a paso, bakerantz manifestazioa antolatzen
du. (26)
· Linaza auzian torturak eragiteagatik kondenatutako goardia
zibilak indultoa jasotzen dutenean bere egonezina adierazten du Koordinakundeak,
eta Amedo eta Domínguezi hirugarren gradua emateko aukeraren
aurrean ere errezeloa agertzen du.
· Euskal Herriko Bakearen Aldeko Koordinakundeak publikoki
informatzen du ez duela Elkarrik martxoaren 12rako deitutako manifestazioarekin
bat egiten, erakunde biek dituzten planteamendu eta analisi desberdinak
direla eta.
· Berriz ere Koordinakundeak terrorismo auzietarako legeri
bereziaren aurkako jarrera agertzen du.
· Bakearen Aldeko Koordinakundeak eta Denon Arteanek Bergizarteratzea
dokumentua argitaratzen dute, zentzu honetan kanpaina bat eginez.
(27)
· Maiatzaren 21ean eta Bartzelonako Sant Jaume Plazan, Koordinakundeak
bilkura isil bat egiten du Kataluniako herriari elkartasuna adierazteko.
· Koordinakundeak arazo ekonomiko larriak ditu eta finantziazio
kanpaina sendo bati ekiten dio.
· Koordinakundeak gogor salatzen ditu ETBko kazetari batzuk
jasandako mehatxuak.
· Usurbilen egindako atxiloketa batzutan ustez eragindako tratu
txarren inguruan egiazko ikerketa exijitzen du publikoki Koordinakundeak.
· Gobernuari eskatzen zaio Linaza auzian kondenatutako bati,
Llevot, indultoa ematearen arrazoien azalpena; pertsona honi ez bakarrik
indultoa, baizik eta hirugarren gradua ere ez ematea aholkatzen zuten
txostenak zeudela kontuan izanik.
· Berriro ere zalantzan jartzen da Zigor Erakundeen Zuzendaritzak
Amedo eta Domínguezi hirugarren gradua emateko erabakia.
· Uda honetan Koordinakundeak Bakearen Aldeko Egonaldiak antolatzen
ditu: topaketa eta bizikidetasunerako lau egun Mundaka, Zarautz, Lizarra
eta Murgian: eztabaidak, erakusketak, haurrentzako jolasak, antzerkia…
Construir una sociedad reconciliada-Gizarte adiskidetua eraiki dezagun.
(28, 29)
· Abenduaren 14an, Koordinakundeak presoak bere ohiko bizilekuetara
hurbiltzea defendatzen duen dokumentua aurkezten du.
· Koordinakundeak poza adierazten du GAL auzia berriz irekitzen
delako.
· IV Partehartzea Bilboko Gabonetako Haur Parkean.
· Bakearen Aldeko Koordinakundeak bilkura isilak, 'gestoak'
egiten ditu hildako 13 lagunen alde.
