2002

· Euskal Herriko Bakearen Aldeko Koordinakundeak gogor kondenatzen ditu hiru kazetari euskaldun erahiltzeko saiakerak.

· Urtarrilaren 30a aldera Bakearen Aldeko Koordinakundeak Gandhiren figura, bere irakaskuntza eta jokabidea erreibindikatzeko kanpaina burutzen du: Bilbao eta Donostia.

· Bakearen Aldeko Koordinakundeak manifestazioa antolatzen du Bilbon, otsailaren 10ean, Juntos contra la amenaza. Elkarrekin askatasunaren alde goiburupean. Alderdi politiko guztiak daude manifestazioan, HB ezik. (90)

· JAZARPEN INDARKERIAREN kanpainaren inguruan ekintza desberdinak antolatzen dira: Lazkao, urtarrilaren 31an; Ermua, otsailaren 17an; Langraitz Oka, martxoaren 9an; Agurain (91), apirilaren 20 eta 21ean, Sopelana, maiatzaren 25ean. EUDELek onartutako ekimenarekin ere bat egiten da: mehatxatutako zinegotziei babesa eman eta elkartasunez jarduteko.

· Bakearen Aldeko Koordinakundeak bat egiten du PSE-EEko kide diren Eduardo Madina, Esther Cabezudo eta azken honen bizkarzaina den Iñaki Torresen aurka egindako atentatuak salatzeko mobilizazioekin.

· Bakearen Aldeko Koordinakundeak Amnistiaren Aldeko Gestorak, Batasuna e.a. legez kanpo uzteko salbuespenezko ekimenak kritikatzen ditu iritzi artikuluen bidez.

· Bakearen Aldeko Koordinakundeak Iratze Sorzabal eta Unai Romanok jasandako tortura eta tratu txarrak salatzen ditu publikoki, eta 92. artikuluaren aplikazioa eskatzen du gaixotasun larri eta sendaezinak dituzten presoentzat.

· Prentsa Askatasunezko Munduko Egunean Koordinakundeak prentsa askatasuna aldarrikatzen du Euskal Herrian.

· Uztaileko 1, 2 eta 3an Koordinakundeak Biktimekiko Elkartasunezko Ihardunaldiak antolatzen ditu Bilbon.

· Bakearen aldeko Koordinakundeak bilkura isilak, 'gestoak', egiten ditu urte honetan hildako pertsonen alde.