Erakunde orok du garapen eta aldaketarik denboraren poderioz, baina BAK-Gesto por la Pazek nahiko tinko eutsi zien hasieratik emandako mezuei: pertsona guztientzako Giza Eskubideen defentsa, bizitzeko eskubidea besteen giltzarri izanik, eta bestetik, arlo aurre-partidista, edo alderdi aurreko esparrua. Printzipio hauek zutabe izanda, Gestoren jarrera identifikagarri batzuk bere -edo gure- egin ziren, egin genituen, urteak joan urteak etorri.
Printzipio hauek, politikari atxikiago, nonbait, “Politika Handia” deritzon arloan egon litezke. Nahita, BAK-Gestok eguneroko politikagintzaren gorabeherak komentatzeari egin zion uko. Ez zen huraxe bere egitekoa. Alabaina, indarkeria ardatz zen debate antzuetan jarrera kritiko tinkoari eutsi zion.